പറക്കോട്
ബ്ലോക്ക് പഞ്ചായത്ത്

വേലുത്തമ്പി ദളവ മ്യൂസിയം, മണ്ണടി

കേരളചരിത്രത്തിലെ സുപ്രധാന സംഭവങ്ങൾക്ക് സാക്ഷ്യം വഹിച്ച സ്ഥലമാണ് മണ്ണടി. ബ്രിട്ടീഷ് സാമ്രാജ്യത്വത്തിനെതിരെ പോരാടി ജീവത്യാഗം ചെയ്ത ധീരദേശാഭിമാനി വേലുത്തമ്പി ദളവയുടെ സ്മരണാർത്ഥമാണ് ഇവിടെ മ്യൂസിയം സ്ഥാപിച്ചിരിക്കുന്നത്.

2010 ഫെബ്രുവരി 14-ന് ഉദ്ഘാടനം ചെയ്ത മ്യൂസിയത്തിൽ പുരാതന ബുദ്ധപ്രതിമകൾ, കാർഷികോപകരണങ്ങൾ, ആയുധങ്ങൾ, നാണയങ്ങൾ, തിരുവിതാംകൂർ രാജാക്കന്മാരുടെ ചിത്രങ്ങൾ തുടങ്ങിയ ചരിത്രപ്രധാനമായ ശേഖരങ്ങൾ പ്രദർശിപ്പിച്ചിരിക്കുന്നു.

വേലുത്തമ്പി ദളവയുടെ ജീവിതവും സ്വാതന്ത്ര്യസമര പ്രവർത്തനങ്ങളും വിശദീകരിക്കുന്ന പ്രദർശനങ്ങളും മ്യൂസിയത്തിന്റെ പ്രധാന ആകർഷണങ്ങളാണ്.